Jahresessen
Und wieder isches sowit gsi und Johresässe isch vor dr Tür gstange.
Die erste Mitglieder sie vor de sächse scho im Badgueteburg i trudlet u hei sich am Stasmmtisch gmüetlech gmacht. Nach und nach si ou no dr räste Mietglieder i tröpfelet und baud si mit 18 Nase die truppe komplett gsi. Am Sibni het du üse Präsi Begrüessig asprach ghaute und glie druf abe isch ou scho dr erscht gang vom Ässe serviert worde.
Bimänä feine Salätli het do einte odr angere Gspräch agfange. Houptmenue Brote, Spätzli u Gmües isches so zimmlech ruhig worde und mi het praktisch nur no geklapper vom Bsteck ghört. Dr Hunger isch du reständlech bim Nachservice gstiut worde. Do het dr Präsi s`wort ergriffe und eröffent das Kaffee und Dessert vbor Sektion überno wird. Jo so het natürlech Dessert Öpfuchüechli mit Vanilleglace dopplet gmundet. So isch dr Obe id Nacht über gange u vieu gueti Gspräch hei am Tisch stattgfunge.
Mi söu höre wenns am schnönste isch und dr letscht löschts Liecht. Mit däm Motto het üses Präsipäärli ou das Johresässe aus letschts verloh.
Danke as Badgueteburg Team für diä gueti bedienig. Do chame nume säge bis zum nöchschte mou.
Gruess Jacky
