Armbrustschiessen
Am 21. September isch bi wunderschönem Wätter wieder ds obligate Arbrustschiesse im Armbruschtschützestand Zollbrügg düregfüert worde. Rüedu het wie immer ä wunderbare Gabetämpu parat gha u da het natürlich jedi u jede wöue zoberscht ufem Podescht si. Aber das cha ja bekanntlich nume öpper. Ganz knapp het d Siegere vom letzschte Jahr, hür müesse mitem 2. Platz vorlieb näh. Aber we dir d Ranglischte chli gneuer studieret, de gseht dir wie knapp dass isch gsi. Härzlichi gratulation am Ädu Treuthardt zum Sieg, vor dr Regula Joss u am Kassier, am Mäthu Wyss. Im Glücksstich het Pingu gwunne, vor em Mäthu Wyss u am Kämpfer Jürg. Nachem Schiesse hets wi immer öppis feins ds ässe gä u scho gli, hei aui öppis vo däm wunderbare Gabetämpu dörfe ga hole. Merci Rüedu für ds organisiere, Härzliche Dank de Armbruschtschütze vo Zollbrügg für d Ungerstützig. Dä Alass fägt jedes Jahr.
